Almatydaǵy QazUÝ-de bolashaq qarjygerler arasynda olımpıada ótip jatyr
ALMATY. Sáýirdiń 12-si. QazAqparat / Ádilet Musahaev / - QazUÝ-de stýdentter arasynda «Memlekettik jáne jergilikti basqarý» men «Menedjment» mamandyqtary boıynsha eń úzdik komandany anyqtaıtyn respýblıkalyq olımpıada óz jumysyn bastady,
dep habarlaıdy QazAqparat.
Olımpıadaǵa respýblıkanyń barlyq aımaqtarynan JOO-nyń komandalary qatysýda. Aqtyq synǵa joldama alǵan qatysýshylardy tanystyrý, jobanyń tusaýkeseri men kapıtandar konkýrsy sııaqty úsh tapsyrma kútip tur. Buǵan deıingi kezeńde stýdentter arnaıy ǵylymı jobalardy jazyp, test suraqtaryna jaýap bere otyryp irikteý saıysynan ótken.
Shara Ulttyq ınnovatsııalyq qor, «Damý» kásipkerlikti damytý qory men «Bank Tsentrkredıt» AQ-nyń qoldaýymen ótip otyr.
«Mundaı sharalardyń ótkizilýi Elbasymyzdyń jastarǵa qatysty ustanǵan baǵytyna sáıkes básekege qabiletti, bilimdi de bilikti jastardy tárbıelep, jastardyń bilimin jetildire otyryp, ózara tájirıbe almasýǵa múmkindik beredi», deıdi ádil qazylar alqasynyń múshesi, QazUÝ-diń «Menedjment jáne bıznes» kafedrasynyń meńgerýshisi Qarlyǵash Muhtarova.
Qazaqstan ekonomıkasy men basqarý salasynda eńbek etip, atalmysh ǵylymnyń damýyna úles qosyp júrgen mamandar ádil qazylar alqasynda tórelik etýde.
