Almatydaǵy QazEÝ-de 48-shi «Densaýlyq-2011» spartakıadasy bastaldy
ALMATY. 24 qańtar. QazAqparat /Ádilet Musahaev/ - Búgin Almatydaǵy T. Rysqulov atyndaǵy QazEÝ-de qyzmetkerler arasynda dástúrli túrde ótetin 48-shi «Densaýlyq-2011» spartakıadasy bastaldy.
Qańtardyń 28-ne deıin jalǵasatyn sharaǵa ýnıversıtettiń 5 fakýlteti men basqa da bólimshelerinen 400-ge jýyq adam qatysady.
«Jylda ótkiziletin sharanyń negizgi maqsaty - qyzmetkerlerimizdiń salaýatty ómir saltyn qalyptastyryp, árdaıym sportpen shuǵyldanyp júrýine shaqyrý», -deıdi ýnıversıtet sport klýbynyń tóraǵasy Vladımır Tomos.
Spartakıadaǵa qatysýshylar qol kúresi, basketbol, voleıbol, darts, shaǵyn fýtbol jáne shahmat pen doıby syndy sport túrlerinen synǵa túsedi. Búgin áıelder arasyndaǵy voleıbol jáne shahmat pen doıbydan saıys bastalyp ketti.
