Almatydaǵy Qazaq kólik jáne kommýnıkatsııa akademııasynda «Shabyt» demalys ortalyǵy ashyldy
ALMATY. Qazannyń 20-sy. QazAqparat /Erbol Turymbetov/ - Búgin M. Tynyshbaev atyndaǵy Qazaq kólik jáne kommýnıkatsııa akademııasynda «Shabyt» eksperımentaldy jastar demalys ortalyǵy ashyldy.
Ortalyqty akademııa basshylyǵy Almaty qalasy jastar saıasatyn damytý memlekettik qorymen birlese otyryp, Almaty qalasy jastar saıasaty jónindegi basqarmanyń qoldaýymen Almatyda alǵash ret ashyp otyr. Ondaǵy maqsat jastardyń óz densaýlyqtaryna jaýapty qaraýyn qalyptastyrý men deneshynyqtyrý, sportty nasıhattaýdy kózdeıdi.
«Akademııamyzdyń professor, oqytýshylarymen aqyldasqanymda osyndaı ortalyq ashýdy barlyǵy quptady. Ázirge 2 keshen daıyn boldy. Jaqynda 3-sin ashqaly otyrmyz, onyń qurylys jumystary aıaqtalýǵa jaqyn. Sonymen birge, aldaǵy ýaqytta 4-shi ortalyqty ashý josparda bar», - dedi akademııa rektory Ádilbek Botabekov.
Ashylý saltanatynda Almaly aýdanynyń ákimi Marat Pirinbekov jáne Almaty qalasy jastar saıasaty jónindegi basqarma bastyǵy Baqtııar Máken bas bolyp, akademııa stýdentterin jańa ortalyqtarymen quttyqtady.
Jańa eksperımentaldy demalys ortalyǵynda zamanaýı jabdyqtalǵan sport zaly, psıhologııalyq keńes berý bólimi jáne shyǵarmashylyq zaly bar.
