Almatydaǵy qaıyrymdylyq mekemesi balalardy sýıtsıd jasaýǵa ıtermelegen

ALMATY. QazAqparat - Almaty qalalyq polıtsııa departamenti balalar pansıonatynyń atyn jamylyp jumys isteıtin qaıyrymdylyq mekemelerin kámeletke tolmaǵandy ​​óz-ózine qol jumsaýǵa ıtermeledi jáne basqa da qylmystardy jasady degen kúdikpen qylmystyq isti tergep jatyr, dep habarlaıdy QazAqparat.

«Bul pansıonattarda turatyn kámeletke tolmaǵandar júıeli túrde dinı joralǵylar men ujymdyq duǵalarǵa tartylǵan. Buǵan kónbegen balalardy tamaq, sý bermeı jazalaǵan, keı jaǵdaıda fızıkalyq kúsh qoldanylǵan.

Pansıonattarda júrgizilgen tintýler sheteldik dinı ádebıetter men oqý materıaldarynyń, onyń ishinde Qazaqstanda ekstremıstik dep tanylǵan jáne taratýǵa tyıym salynǵan materıaldardyń bar ekenin rastady», - dep jazdy polıtsııadan.

Qazirgi ýaqytta sotqa deıingi tergeý jalǵasýda. Tergeý múddesine saı basqa málimetter jarııa etilmeıdi.