Almatydaǵy kásipqoı boks keshi: Qazaqstandyqtar salmaq ólsheý rásiminen ótti

ALMATY. QazAqparat – 16 jeltoqsan kúni Almatyda ótetin kásipqoı boks keshi qarsańynda qazaqstandyq boksshylar mindetti salmaq ólsheý protsedýrasynan ótti, dep habarlaıdy QazAqparat.

VKontakte áleýmettik jelisindegi «Qazaqstannyń kásipqoı boksy» paraqshasynda málim etilgendeı, sportshylarymyzdyń barlyǵy salmaq boıynsha lımıtten aýytqyǵan joq.

Buǵan deıin habarlaǵanymyzdaı, boks keshi aıasyndaǵy eki aıqas tıtýldyq bolady: Sultan Záýirbek (8-0, 6KO) WBC-tiń ekinshi jartylaı orta salmaqtaǵy vakantty «jastar» beldigi úshin qytaılyq Leshan Lımen (16-3-2, 9KO) kezdesse, Vıktor Kotochıgov (10-0, 4KO) argentınalyq Haver Klaveromen (27-5, 5KO) jekpe-jekte WBC International nusqasy boıynsha jeńil salmaqtaǵy tıtýlyn qorǵaıdy.

Sondaı-aq shoý barysynda ózge 7 qazaqstandyqtyń ónerin tamashalaıtyn bolamyz. Barlyǵy kelesi juptar rıngke shyǵady:

Raı Seıitjanov (1-0, 0KO) - grýzındik Gıorgı Abýladze (11-9-1, 4 KO), jeńil salmaq;

Mıras-Álı Sársenov (1-0, 1 KO) - ázerbaıjandyq Askar Ragımov (3-3, 1 KO), ekinshi jartylaı jeńil salmaq;

Nurdos Tólebaı (1-0, 0KO) - ázerbaıjandyq Ramız Mamadov (1-0), birinshi jartylaı orta salmaq; Eskendir Harsan (Qazaqstan, 7-0, 6 KO) — Tomas Essomba (Kamerýn, 9-5, 3 KO), asa jeńil salmaq;

Nurtas Ájbenov (Qazaqstan, 7-0, 3 KO) — Lendı Krıs Leon (Fılıppın, 13-20-5, 6 KO), jeńil salmaq;

Elshat Nyǵmetolla (Qazaqstan, 15-0-1, 5 KO) — Krıs Alfante (Fılıppın, 17-7-1, 9 KO), asa jeńil salmaq;

Abaı Tólesh (Qazaqstan, 4-0, 3 KO) — Tomash Bezvoda (Chehııa, 8-10, 5 KO), orta salmaq;

Hýrshıd Tojıbaev (Ózbekstan, 3-0, 2 KO) — Aızek Djýnıor (Indonezııa, 26-13-3, 9 KO), ekinshi jartylaı jeńil salmaq;

Alıý Bamıdele Lasısı (Nıgerııa, 13-0, 8 KO) — Hamson Lamandaý (Indonezııa, 10-4-1, 7 KO), ekinshi asa jeńil salmaq.

Boks keshi 16 jeltoqsan kúni Balýan Sholaq atyndaǵy sport saraıynda ótedi.