Almatydaǵy qarý-jaraq dúkenderine shabýyl jasady degen 2 kúdikti ustaldy
«30 qańtarda Kóliktegi polıtsııa departamentiniń qyzmetkerleri jedel-izdestirý is-sharalary aıasynda Almaty oblysynyń 35 jastaǵy turǵynyn ustady. Ol Almaty qalasyndaǵy jappaı tártipsizdikter kezinde ógelermen birge qarý-jaraq dúkenine shabýyl jasaǵan. Osydan keıin toppen birge materıaldyq qundylyqtardy ıelený úshin Almaty áýejaıyna bet alǵan. Bul týraly Іshki ister mınıstrligi Kólik polıtsııasynyń basshysy Ońalbek Bekıev aıtty», - dep jazylǵan departamenttiń dereginde.
Ońalbek Bekıevtiń departamenttiń baspasóz qyzmetine bergen málimeti boıynsha, kúdiktiden 6 dana atys qarýy, men tergelip jatqan qylmystarǵa qatysy bar ekenin rastaıtyn basqa da zattaı aıǵaqtar tárkilengen.
Al 1 aqpanda polıtseıler 1990 jyly týǵan azamatty ustaǵan. Departament taratqan aqparatta onyń 5 qańtarda tanysymen birge Almatydaǵy jappaı tártipsizdikterge belsendi qatysqany aıtylady.
«Sol kúni kúdikti eki dosymen birge qarý-jaraq dúkenine shabýyl jasap, 7 atys qarýyn urlap, Almaty qalasynyń halyqaralyq áýejaıyndaǵy tártipsizdikterge qatysty.
Qazirgi tańda atalǵan faktiler boıynsha sotqa deıingi tergeý amaldary júrip jatyr», - dep jazylǵan resmı málimette.
Ońalbek Bekıevtiń departamenttiń baspasóz qyzmetine bergen málimeti boıynsha, kúdiktiler qamaýǵa alynǵan. Atalǵan zańsyzdyqtarǵa qatysty degen kúdikke ilingen ózge adamdardy ustaý sharalary áli jalǵasyp jatyr.
