Almatydaǵy Qarasý kóliniń tabany alǵash ret tazartyla bastady

ALMATY. QazAqparat – Almatydaǵy Qarasý kólin tazartý jumystary bastaldy. Bul týraly Erbolat Dosaev Alataý aýdany turǵyndarymen kezdesýi barysynda málim etti, dep habarlaıdy QazAqparat tilshisi.

Qala basshysynyń sózinshe, Alataý aýdanynda únemi sý basatyn jerlerdiń máselesi tolyq sheshildi. 18 ýchaskeniń 16-synda jumystar oryndaldy, qalǵan 2 ýchaske boıynsha jaqynda aıaqtalady.

«Sonymen qatar, bıyl biz Qarasý kólin mehanıkalyq tazartý jumystaryn bastadyq. Bul kól alǵash ret tazartylyp jatqanyn atap ótkim keledi. Jumysty osy jyldyń qyrkúıek aıynda aıaqtaımyz», - dedi Erbolat Dosaev.

Buǵan deıin Esentaı ózeniniń arnasyn balshyq, shógindi, tas jáne qoqystan tazartý jumystary júrgizilip jatqany týraly jazǵan bolatynbyz.