Almatydaǵy qarańǵy kósheler men aýlalar jaryqtandyrylyp jatyr

ALMATY. QazAqparat – Almatyda kósheler men aýlalardy jaryqtandyrý jumystary qyzý júrip jatyr, dep habarlaıdy QazAqparat.

Qala ákiminiń tapsyrmasyna sáıkes, qalalyq polıtsııa departamenti qylmys jıi bolatyn, kósheleri tas qarańǵy aımaqtardyń kartasyn jasaǵan bolatyn. Departament málimetinshe, mundaı oryndar sany – 148. Qylmysqa áser etetin sebepterdiń biri – jaryqtyń joqtyǵy. 83 kóshe men 65 aýla jaryqtandyrylmaǵan. Jyl sońyna deıin 83 kósheniń 22-sine jaryq ornatylady. Qalǵan 61 kósheni 2021 jylǵa deıin jaryqtandyrý josparlanyp otyr.   

Qalalyq ınfraqurylymdyq damý jáne energııa tıimdiligi basqarmasy aýlalardy jaryqtandyrý isin bastap ketti. 62 aýlany túgelimen qamtý oıda bar. Búgingi tańda Túrksib aýdanyna qarasty 5 aýlada jumystar tolyq aıaqtalǵan.