Almatydaǵy qar kóshkini: TJD eskertý jasady
ALMATY. QazAqparat - Almaty taýlarynda jasandy qar kóshkini júrgizildi, dep habarlaıdy QazAqparat tilshisi qalalyq TJD baspasóz qyzmetine silteme jasap.
Osyǵan deıin qalalyq TJD Úlken jáne kishi Almaty shatqaldarynda qardyń kóp túsýine baılanysty profılaktıkalyq qar kóshkini josparlanǵanyn habarlaǵan bolatyn. Alaıda tolassyz qar jaýýyna baılanysty jasandy qar kóshkinin júrgizý keıinge qaldyryp kelgen.
Búgin kún Medeý, Býtakovka avtojoldarynda, Ekoposttan joǵary 3 márte jasandy qar kóshkini jiberildi.
Eki joldy 200 jáne 600 tekshe metr qar basyp qaldy. Ony tazalaýǵa «Qazseldenqorǵaý» MM 5 tehnıkasy men 9 qyzmetkeri jumyldyryldy.
TJD ókilderi almatylyqtar men qonaqtarǵa taýly aımaqqa serýenge shyqpaýǵa keńes berdi.
