Almatydaǵy Qapshaǵaı kópiriniń janynan er adamnyń máıiti tabyldy
ALMATY. QazAqparat - Qapshaǵaı kópiriniń janynan er adamnyń máıiti tabyldy, dep habarlaıdy QazAqparat tilshisi.
Almaty Polıtsııa departamentiniń baspasóz qyzmetiniń málimetinshe, er adamnyń denesin jas qyzdar taýyp alǵan.
«Kópirdiń qasynan ótip bara jatqan patrýldik ekıpaj qyzmetkerleri qyzdardyń shoshyp júgirip bara jatqanyn baıqap qalady. Olar toqtap ne bolǵanyn suraǵan. Qyzdar polıtseılerge er adamnyń denesi jatqan jerdi kórsetti. Oqıǵa ornyna kelgen jedel-tergeý toby er adamnyń turǵylyqty jeri joq, shamamen 45-50 jasta ekenin anyqtady.
Aldyn ala saraptama kezinde denesinde zorlyq-zombylyq belgileri anyqtalǵan joq.
Ólimniń sebebin anyqtaý úshin er adamnyń denesi sot-medıtsınalyq saraptamaǵa jiberildi.
