Almatydaǵy qalta urylarynyń sýretteri jarııalandy
ALMATY. QazAqparat- Almaty polıtsııasy qalta urylarynyń sýretin jarııalaýdy jalǵastyrýda. Olardyń qatarynda jas qyz-jigitter bar, dep habarlaıdy QazAqparat tilshisi.
«Búgin kópshiliktiń nazaryna 34 qalta urylarynyń sýretin jarııalap otyrmyz. Olar óz qurbandaryn qoǵamdyq kólikten izdeıdi. Osy joly suǵanaqtardyń qatary jastarmen tolyǵypty. Ustalǵan qalta urylarynyń arasynda 2001 jyly týǵandar bar. Sondaı-aq, buryn osy qylmysy úshin jaýapqa tartylǵandardy da kezdestirýge bolady»,- deıdi Almaty qalalyq krımınaldyq polıtsııa basqarmasynyń bastyǵy Esen Ysqaqov.
Sýrettegi adamdardan, zardap shekkender bolsa Almaty qalasy PD -niń krımınaldyq polıtsııa basqarmasyna 254-40-12, 254-43-93 nemese 102 nómirleri boıynsha habarlasýǵa bolady.
