Almatydaǵy iri jol apatynda toǵyz adam zardap shegip, bireýi qaza boldy
ALMATY. QazAqparat - Almatyda iri jol apaty saldarynan toǵyz adam zardap shegip, bir adam qaza boldy, dep habarlaıdy QazAqparat tilshisi.
Volkswagen júrgizýshisiniń sózine qaraǵanda, ol Berlınskıı kóshesimen Qapshaǵaıǵa qaraı bet alyp kele jatqan. Oń jaǵynan úlken jyldamdyqpen Subaru júıitkip, ózge kólikterdi basyp ozyp kele jatqan. Kenetten japondyq kóliktiń júrgizýshisi rýlge ıe bola almaı qalyp, jol ústinde aınala bastaǵan. Ol Volkswagen-di soǵyp, keıin qarsy jolǵa shyǵyp ketip, Toyota Camry-men túıisken.
Jol apaty saldarynan toǵyz adam: Subaru kóliginiń júrgizýshisi men jolaýshysy, Toyota Camry-de bolǵan úsh eresek jáne tórt bala zardap shekti. Olardyń barlyǵy jaqyn mańdaǵy aýrýhanaǵa jetkizildi.
Toyota Camry-diń júrgizýshisi jedel járdem kóliginde kóz jumdy.
