Almatydaǵy iri saýda ortalyǵynyń janynda órt boldy
ALMATY. QazAqparat - Almatyda qurǵaq shóp órtendi, dep habarlaıdy QazAqparat tilshisi.
Áleýmettik jelide «Aport» saýda, oıyn-saýyq ortalyǵynyń mańynan shyqqan órttiń vıdeosy tarady.
«17 tamyzda saǵat 13:20-da órt sóndirýshiler Alataý aýdany Raıymbek dańǵyly, 529 mekenjaıyndaǵy órtke shyqty. Jeti mınýttan soń jetken órt sóndirý bólimsheleri tútinniń qaı jerden shyǵyp jatqanyn anyqtady. Eki jerden qurǵaq shóp janyp, órt qoqysqa ulasqan, sonyń saldarynan qoıý qara tútin paıda boldy», - dep habarlady qalalyq Tótenshe jaǵdaılar departamentinen.
Qabyldanǵan sharalardyń arqasynda, jalynnyń taralýy 20 mınýtta toqtatylyp, saǵat 13:56-da tolyǵymen sóndirildi. 700 sharshy metr jer janǵan. Tilsiz jaýmen kúreske eki tehnıka, 13 órt sóndirýshi jumyldyryldy. Zardap shekkender joq.
