Almatydaǵy ınternet klýbtardyń birine jarylǵysh zat qoıyldy degen aqparat tústi
TANA. 11 mamyr. QazAqparat - Almatyda ınternet klýbtardyń birine jarylǵysh zat qoıylǵan degen jalǵan aqparat túsken.
Tótenshe jaǵdaılar mınıstrliginiń málimetterine qaraǵanda, 10 mamyr, ıaǵnı seısenbi kúni «102» telefony boıynsha qaladaǵy, naqtyraq aıtqanda Áýezov pen Jandosov kósheleriniń qıylysynda ornalasqan ınternet-klýbtardyń birine jarylǵysh zat qoıyldy degen anonımdi aqparat kelip túsken. Osyǵan baılanysty arnaıy tekserý jumystary júrgizilip, jarylǵysh zat anyqtalmaǵan. Bul sharaǵa tótenshe jaǵdaılar salasy jeke quramynyń 3 múshesi men Almaty qalalyq tótenshe jaǵdaılar departamentiniń 2 tehnıkasy jumyldyrylǵan. Qaýipsiz aımaqqa 18 adam kóshirilgen. Olardyń 12-i balalar.
