Almatydaǵy ımmıgranttarǵa qyzmet kórsetetin HQO basqa mekenjaıǵa kóshti

ALMATY. QazAqparat- Almatyda kóshi-qon HQO Naýryzbaı aýdanynan Túrksib aýdanyna kóshti. Bul týraly «Azamattarǵa arnalǵan úkimet» memlekettik korporatsııasy» KEAQ Almaty qalasy fılıaly málim etti, dep habarlaıdy QazAqparat tilshisi.

«2022 jyldyń 03 qazanynan bastap Almaty qalasy boıynsha Kóshi-qon qyzmetteri ortalyǵy eńbek ımmıgranttaryna memlekettik qyzmetti jańa mekenjaı boıynsha kórsetedi. Osyǵan deıin Almaty qalasy, Naýryzbaı aýdany, «Shuǵyla» shaǵyn aýdany, 347/2 mekenjaıynda qyzmet kórsetken ortalyq, endi Túrksib aýdany, «Qaırat» shaǵyn aýdany, 181-182 k.2 («Jetisý-Semıreche» bazary, 2-qabat) mekenjaıynda qyzmet kórsetedi», - delingen habarlamada.

Ótinishter jumys kúnderi saǵat 09:00-den 18:00-ge deıin qabyldanady.

Senbi, jeksenbi - demalys. Buǵan deıin Reseı Federatsııasynyń azamattaryna arnalǵan kúsheıtilgen halyqqa qyzmet kórsetý ortalyǵynyń da mekenjaıy aýysqan bolatyn.