Almatydaǵy iD-Center - bul bir jyl buryn Astana qalasynda ashylǵan Show Room tanystyrý zalynan keıingi kompanııanyń ekinshi iri jobasy - B.Oshýrbaev
Y. Shildeniń 23-i. QazAqparat /Ádilet Musahaev/ - Búgin Almatylyq BAQ ókilderi «Qazaqtelekom» AQ «iD-Center» qyzmetin tanystyrý zalynda bolyp, jumys barysymen tanysyp qaıtty,
dep habarlaıdy QazAqparat.
Aǵymdaǵy jyldyń 7-shi sáýirinde ashylǵan bul zal - zamanaýı ınfokommýnıkatsııalyq tehnologııalar áleýmettik-tanymdyq ortalyq bolyp tabylady jáne munda árbir kelýshi telekommýnıkatsııanyń jańa qyzmetterin paıdalaný tájirıbesi men sarapshylardyń keńesin tegin ala alady.
«Almatydaǵy iD-Center - bul bir jyl buryn Astana qalasynda ashylǵan Show Room tanystyrý zalynan keıingi kompanııanyń ekinshi iri jobasy. Sondaı-aq tanystyrý alańdary Qaraǵandy, Shymkent jáne Atyraý oblys ortalyqtarynda jumys isteýde», deıdi QTO-nyń kommertsııalyq bólim dırektorynyń orynbasary Bahtııar Oshýrbaev.
«iD-Center» - «Aqyldy úı», «Intellektýaldyq ofıs», «Internet-kafe», «Medıa-stena» jáne «Konferents-zal» sııaqty 5 júıelik saralymnan turady.
«Aqyldy úı» kelýshilerge «Triple play» tujyrymdamasy boıynsha qyzmettermen tanystyrady. Bul úıde paıdalanýshylarǵa bir telefon jelisi arqyly keńjolaqty arna negizinde telefon, ǵalamtor jelisine joǵary jyldamdyqta qosylý jáne iD TV sandyq teledıdar qyzmetin usyný. Al «Internet-kafe» bóliminde Wi-Fi tehnologııasy boıynsha ǵalamtor jelisine symsyz qatynaý qyzmetimen tanysýǵa jáne paıdalanýǵa bolady.
Aptasyna alty kún qyzmet etetin ortalyqtyń keńes berý jumysyn tórt maman atqaryp otyr.
