Almatydaǵy HQO-lary azamattardy tek aldyn ala jasalǵan bron negizinde qabyldaıdy
Azamattardyń kóp jınalýyn jáne juqtyrý qaýpin boldyrmaý úshin karantındik sharalardyń qatańdatylýyna baılanysty halyqqa qyzmet kórsetý ortalyqtaryna kezekke aldyn ala tapsyrys berý qajet. Sonymen qatar, qaýlyǵa sáıkes qalanyń barlyq halyqqa qyzmet kórsetý ortalyqtarynyń jumys kestesi de ózgerdi.
Birinshi aqpannan bastap barlyq HQO-lardyń jumys kestesi dúısenbiden senbige deıin saǵat 9.00-den 18.00-ge deıin.
HQKO ǵımarattaryna mindetti túrde betperde taǵyp kirý kerek. Qashyqtyqty saqtaý úshin belgiler 1,5-2 metr qashyqtyqta syzylǵan. Árbir HQO-da sanıtaızerler bar.
Brondaýǵa ótinim qaldyrý úshin azamattar egov.kz elektrondyq úkimet portalyn paıdalana alady nemese 1414 nómirine qońyraý shalý qajet. Brondaý rásiminen keıin azamat HQKO-ǵa qaı ýaqytta kelý kerektigi týraly habarlama alady.
«Bizdiń áriptesterimiz front-ofısterde qyzmet alýshylarmen tikeleı baılanysta. Biz kelýshiler men qyzmetkerlerdi qorǵaý quraldarymen qamtamasyz etýge barynsha tyrysamyz. Sondyqtan kórsetiletin qyzmetti alýshylarǵa qandaı da bir aýrý belgileri bolǵan jaǵdaıda HQO-ǵa barýdan bas tartýǵa keńes beremiz», – deıdi «Azamattarǵa arnalǵan úkimet» MK KE AQ Almaty qalasy boıynsha fılıalynyń dırektory Danııar Qyryqbaev.
Sondyqtan HQO-ǵa barý kerek bolsa, kezekti Egov.kz portaly arqyly onlaın belgileýge bolady:
- egov.kz portalyna kirip, avtorızatsııadan ótińiz
- basty bettegi «Kezekti HQO-ǵa onlaın brondaý» siltemesine kirińiz
- ashylǵan bette JSN nómirińizdi, aýdanyńyzdy toltyryńyz
- qajetti HQO mekenjaıy men qyzmet túrin tańdańyz
- ári qaraı ortalyqqa barý kúni men ýaqytyn kórsetińiz.
Brondaý sátti ótse, sizdiń telefonyńyzǵa tıisti habarlama keledi.