Almatydaǵy Halyqaralyq konferentsııada qazaqy tazy men tóbetti kóbeıtý máselesi talqylanýda (FOTO)
ALMATY. QazAqparat - Almatyda el Táýelsizdiginiń 25 jyldyǵyna arnalǵan «Qazaqy tazy men tóbetti saqtap, damytý» taqyrybynda Halyqaralyq konferentsııa ótip jatyr.
Іs-sharanyń basynda QR Ulttyq banki men «Qazposhta» AQ tazy men tóbet bederlengen moneta men markany kópshilik nazaryna usyndy. Marka «Tóbet-Qazaqy ıt» qorynyń jetekshisi Danııar Dáýkeıdiń bastamasymen shyǵarylǵanyn aıta ketken jón.
Poshta markasy 11 h117 mm kóleminde, 20 myń danamen QR Ulttyq
bankiniń banknot fabrıkasynda basyldy. Avtory - sýretshi Sergeı Mashev.
«Qazposhta» AQ poshtalyq tólem belgileri basqarmasynyń bastyǵy Dıas Ábildaev markaǵa qatysty túsinikteme bere ketti.
«Bul marka búgin «Qazaq tuqymynyń ıtteri» ataýymen basylyp shyqty. Olardy arnaıy poshta bólimshelerinen satyp alýǵa bolady. Marka kishi qaǵaz, ıaǵnı blok túrinde shyǵaryldy. Ol tórt kishigirim markalardan turady. Olardyń baǵasy - 200, 140, 400 jáne 60 teńge bolyp keledi. Jalpy baǵasy - 800 teńge», - dedi ol.
Búgingi is-shara QR BjǴM «Zoologııa ınstıtýty» RMK jáne «Qansonar» respýblıkalyq Qaýymdastyǵynyń uıymdastyrýymen ótip jatyr.
Oǵan, zoolog-ǵalymdar, tazy men tóbetterdi ósiretin mamandar jáne basqa da múddeli tulǵalar qatysýda. 
