Almatydaǵy Halyk Arena koronavırýs juqtyrǵan naýqastardy qabyldaı bastady
ALMATY. QazAqparat - Almatydaǵy Halyk Arena koronavırýs juqtyrǵan naýqastardy qabyldaı bastady. Bul týraly qalalyq qoǵamdyq desnaýlyq saqtaý basqarmasy málim etti, dep habarlaıdy QazAqparat tilshisi.
Basqarma atap ótkendeı, Halyk Arena qaıtadan iske qosyldy. Onda ortasha jaǵdaıdaǵy naýqastar jetkiziledi.
«Tańerteńgi jaǵdaı boıynsha, Halyk Arena sport kesheninde ashylǵan provızorlyq statsıonarlyq ortalyqta 18 naýqas jatyr. Mundaı sheshim megapolıs turǵyndary arasynda KVI ınfektsııasynyń taralmaýy úshin qabyldandy. Sport keshenindegi tósek-oryn 1000 adamǵa arnalǵan. Naýqastarǵa medıtsınalyq kómek kórsetýge barlyq jaǵdaı jasalǵan. Medıtsınalyq quraldarmen tolyq jabdyqtalǵan. Talapqa saı», - dep habarlady basqarmadan.
Aıta keteıik, Almatyda jańa shtamdar paıda boldy. Onyń kontagıozy joǵary. Aldyńǵy bazalyq shtammen salystyrǵanda jańa shtamdardyń juqtyrý kórsetkishi 70 paıyzǵa deıin jetedi. Bul ınfektsııa joǵary juqpaly ekendigin kórsetedi. Megapolıste sońǵy ýaqytta tirkelgen vırýstyń taralý jyldamdyǵyna dál sol sebep bolyp otyr.
