Almatydaǵy gazdyń naqty baǵasy osy aıdyń sońynda anyqtalady - U.Qarabalın

ASTANA. 24 qyrkúıek. QazAqparat - Úkimettiń búgingi otyrysynda Almaty qalasynyń ákimi Ahmetjan Esimov gaz baǵasynyń qymbattaýyna qatysty másele kóterdi.

Onyń aıtýynsha, gazdyń quny 37 paıyzǵa kóteriletin bolsa, almatylyqtardyń birazy aqshadan qaǵylady. Osyǵan oraı, qala basshysy tıisti organdarǵa suraý da joldapty. Biraq jaýap áli joq. Premer-Mınıstr Serik Ahmetov osy másele boıynsha QR Munaı jáne gaz mınıstri Uzaqbaı Qarabalınnen túsinikteme berýdi surady. «Dál qazir biz bul suraqqa jaýap bere almaımyz. Sebebi 30 qyrkúıek kúni mekemearalyq komıssııanyń otyrysy ótedi. Onda gazdyń baǵasy bólek másele retinde qaralady. Sol jerde sheshim shyǵarǵannan keıin biz naqty jaýap bere alamyz», - dedi U.Qarabalın.