Almatydaǵy Fentezı saıabaǵynyń basshylyǵy attraktsıonda bolǵan jaǵdaıǵa qatysty túsinikteme berdi

Aıta ketý kerek, keshe saıabaqtaǵy «Romashka» attraktsıony áýede qalyqtap turyp qalǵan bolatyn. Іshinde otyrǵan 15 adam 15 mınýttaı bıiktegi oryndarda otyrýǵa májbúr boldy, olarady park qyzmetkerler jerge túsirildi.

Park dırektorynyń orynbasary Anatolıı Smırnovtyń aıtýynsha, tótenshe jaǵdaı elektr togynyń úzilip ketýinen bolǵan.

«Attraktsıon qaýipsizdik júıesimen qamtylǵan. Elektr togy jypylyqtaı bastaǵanda arnaıy tejegish avtomatty túrde iske qosylady. Adamdar 15 mınýttaı otyryp qaldy. Biz olardyń basy tómen salbyrap, aıaǵy joǵary qarap qalmaýyn qadaǵaladyq. Sosyn jerge óz kúshimizben túsirip aldyq. Attraktsıon qazir shtattyq rejimde jumys jasap tur», - dedi A.Smırnov.

Onyń aıtýynsha, olardyń arasynda balalar bolǵan joq. Bul attraktsıonǵa boıy 1 metr 40 sm-den asatyn adamdar ǵana jiberiledi.