Almatydaǵy «Eýrazııa» halyqaralyq kınofestıvalinde 170 týyndy synǵa túsedi
ASTANA. QazAqparat - 2014 jylǵy 15-20 qyrkúıek kúnderi Almatyda H «Eýrazııa» halyqaralyq kınofestıvali ótedi.
Mereıtoılyq festıval qazaqtyń ataqty rejısseri Sháken Aımanovtyń júz jyldyǵyna arnalady.
Kınoforýmnyń konkýrstyq baǵdarlamasyna Eýropanyń, Azııanyń jáne TMD elderiniń kınotýyndylary enedi. Bıyl festıvalge qatysýǵa Qazaqstan, Reseı, Frantsııa, Ońtústik Koreıa, Japonııa, Germanııa, Qyrǵyzstan, Izraıl, Belgııa, Ózbekstan, Irak, Túrkııa, Úndistan, Qytaı, Malaızııa t.b. elderden 170 kartına túsken.
«Eýrazııa-2014» komıssııasynyń quramynda stsenarııshi, rejısser, akter, prodıýser Serik Aprymov, stsenarııshi, rejısser Ǵazız Nasyrov, stsenarııshi, rejısser, prodıýser Narıman Tórebaev, kınotanýshy jýrnalıst Galına Leonova bolmaq. Komıssııa tóraǵasy - jazýshy, kınodramatýrg, «Qazaqfılm» stýdııasynyń bas redaktory Dıdar Amantaı.
Kınofestıval aıasynda Sh.Aımanov shyǵarmashylyǵyna arnalǵan birqatar sharalar ótedi. Atap aıtqanda, rejısserdiń qolynan shyqqan fılmderdiń retrospektıvasy, kitap-albomnyń tanystyrylymy, derekti fılmniń premerasy jáne eske alý keshin ótkizý josparlanǵan, dep habarlaıdy kinostan.kz.
