Almatydaǵy eski jaryqtandyrý baǵandary qaıda ketedi
ALMATY. QazAqparat - Almaty ákimi Baýyrjan Baıbek jumys sapary barysynda qalalyq jaryqtandyrý júıesin aýystyrý qarqynymen tanysty, dep habarlaıdy QazAqparat tilshisi.
Bıyl qaıta jasalǵan Abaı, Abylaı han, Nazarbaev dańǵyldarynda 70-ke tarta eski jaryqtandyrý baǵany súriledi. Olardyń ornyna elektr energııasyn jumsaýdy 30 paıyzǵa únemdeıtin jaryq dıodty jańa baǵandar ornatylady.
Al barlyq súrilgen baǵandar Alataý aýdanyna ornatylady.
Atap aıtqanda 195 baǵan buryndary jaryq bolmaǵan Aqsaı, Ótemisov kóshelerine aýystyryldy.
Jalpy alǵanda jyl sońyna deıin 24 myń jańa sham ornatylyp, eski júıeniń 31,5% jańarady.
266 shaqyrym jaryqtandyrý júıesin jańartýǵa jobalyq smetalyq qujattama daıyndaldy.
Sonymen qatar, Almatyda 1400 aýlada jańa jaryqtandyrý júıesi ornatylǵan.
Budan bólek qaladaǵy sáýlet nysandaryn jaryqpen árleý jańa sıpatqa ıe bola bastady.
«Qazaqstan» qonaq úıi, Ortalyq mádenıet jáne demalys saıabaǵy sııaqty 130 nysan túrli tústermen árlene bastaıdy.
Aıta ketý kerek, Elbasy bıylǵy Joldaýynda qalalardyń damýy men ýrbanızatsııa máselesine erekshe nazar aýdarǵan bolatyn.
