Almatydaǵy Esentaı ózeni arqyly ótetin kópirde kólik qozǵalysy kúzge deıin shekteledi
ALMATY. QazAqparat- Almatyda 1 qyrkúıekkke deıin Esentaı ózeni arqyly ótetin kópir boıynsha qozǵalys shekteledi, dep habarlaıdy QazAqparat tilshisi.
Almaty qalalyq mobıldilik basqarmasynyń málimetinshe, Esentaı ózeni arqyly ótetin kópirde kólik qozǵalysy 6 maýsymnan bastap shekteledi.
«Almaty qalasyndaǵy ál-Farabı dańǵylynyń boıyndaǵy Esentaı ózeni arqyly ótetin kópirdi rekonstrýktsııalaý» nysany boıynsha qurylys-montajdaý jumystarynyń bastalýyna baılanysty 6 maýsym saǵat 08-00-den 1 qyrkúıekkke deıin Esentaı ózeni arqyly ótetin kópir boıynsha shyǵys baǵytta kólik qozǵalysy shekteledi»,- dep habarlady basqarmadan.
Kólik qozǵalysy shyǵys baǵytta úsh jolaq ornyna eki jolaq boıynsha júzege asyrylady. Batys baǵytta kólik qozǵalysy ózgerissiz júrgiziledi.
«Keltirilgen qolaısyzdyqtar úshin keshirim ótinemiz jáne jol júrý baǵyttaryńyzdy aldyn ala josparlaýlaryńyzdy suraımyz», - delingen habarlamada.
