Almatydaǵy erli-zaıypty jýrnalıster isi: Vladımır Severnyı qamaýǵa alyndy

ALMATY. QazAqparat – Almatyda jýrnalıst Vladımır Severnyı eki aıǵa qamaýǵa alyndy, dep habarlaıdy QazAqparat tilshisi.

«Almaty mamandandyrylǵan aýdanaralyq tergeý sotynyń 2023 jyly 22 sáýirdegi aqparaty boıynsha, sot qaýlysymen tergeý organdarynyń ótinishi qanaǵattandyrylyp, Vladımır Severnyıǵa qatysty áreketti saralaý týraly qaýly shyǵarylǵanǵa deıin ony «eki aı kúzetpen ustaý» túrindegi bultartpaý sharasyna sanktsııa berildi. ıAǵnı 2023 jyldyń 20 maýsymyna deıin», - delingen sot habarlamasynda.
Sondaı-aq mamandandyrylǵan aýdanaralyq tergeý soty jýrnalıst Nargız Severnyıdy «eki aıǵa úıqamaqqa alý» túrindegi bultartpaý sharasyn qoldaný týraly qaýly qabyldady.
Eske salaıyq, 21 sáýir kúni jaǵymsyz aqparattardyń jarııalanbaýy úshin JShS basshylyǵynan aqsha bopsalaǵan erli-zaıypty jýrnalıster ustalǵan bolatyn. Olar qarajattyń bir bóligin alý kezinde qolǵa tústi.