Almatydaǵy ereýil: Polıtsııa aqparatty joqqa shyǵardy
ALMATY. QazAqparat – Almaty polıtsııasy Saıran avtovokzaly mańynda jınalǵan kóp adamnyń vıdeosyna qatysty túsinik berdi, dep habarlaıdy QazAqparat tilshisi.
Bul rolık áleýmettik jelide taralǵan. Beınekadrda áskerı KamAZdar men áskerı qyzmetshiler, kóp adam túsip qalǵan. Vıdeo avtory kadr syrtynan «ereýil bastaldy» dep habarlady.
Qalalyq Polıtsııa departamentiniń habarlaýynsha, oqıǵa M.Áýezov aýdanynda keshe bolǵan.
«Vıdeoda Qordaıdan kelgen sarbazdardy týystary kútip alyp jatqany túsken», - dedi qalalyq Polıtsııa departamentinen.
Polıtsııa «ereýil» týraly jalǵan aqparat taratqan adamdy anyqtady.
«Onyń bul áreketine quqyqtyq turǵydan baǵa beriletin bolady. Ol zań boıynsha jaýap beredi», - dedi PD.
