Almatydaǵy eń iri kóshelerdiń biri ishinara jabylady
ALMATY. QazAqparat - Almaty qalasyndaǵy iri kósheniń biri - Q. Sátbaev kóshesi bir aptaǵa ishinara jabylady, dep habarlaıdy QazAqparat tilshisi.
Almaty qalalyq mobıldilik basqarmasynyń málimetinshe, 2021 jyldyń 24 tamyzy men 1 qyrkúıegi aralyǵynda Q.Sátbaev kóshesinde Egizbaev kóshesinen Manas kóshesine deıin kólik qozǵalysy shekteledi.
«Jol jóndeý jumystaryna baılanysty 24 tamyzy men 1 qyrkúıegi aralyǵynda túngi saǵat 22:00-den tańǵy saǵat 06:00-ge deıin Q.Sátbaev kóshesinde Egizbaev kóshesinen Manas kóshesine deıin kólik qozǵalysy jabylady. Keltirilgen qolaısyzdyq úshin almatylyqtardan keshirim suraımyz», - dep habarlady basqarmadan.
Sonymen qatar, júrgizýshilerge jol júrý baǵytyn aldyn ala josparlaýǵa keńes berdi.
Aıta keteıik, 25 qyrkúıekke deıin Tóle bı kóshesiniń keı ýchaskelerinde kólikterdiń júrýine tyıym salyndy.
