Almatydaǵy emdeý mekemeleriniń karantınge daıyndyǵy qandaı
ALMATY. QazAqparat – Almaty qalalyq densaýlyq saqtaý basqarmasy buqaralyq aqparat quraldary ókilderine megapolıstegi iri aýrýhanalardyń karantınge daıyndyǵyn kórsetý úshin arnaıy press-týr uıymdastyrdy, dep habarlaıdy QazAqparat tilshisi.
Eń aldymen jýrnalısterge medıtsınalyq maska, dezınfektsııalyq jáne jeke qorǵanys quraldary saqtalatyn qoıma kórsetildi.
«Qalanyń barlyq medıtsınalyq uıymdary jetkilikti túrde jeke qorǵanys jáne dezınfektsııalyq quraldarmen, medıtsınalyq maskalarmen qamtamasyz etilgen, olardyń qorlary únemi tolyqtyrylyp otyrady», - dedi Almaty qalalyq densaýlyq saqtaý basqarmasynyń basshysy Tileýhan Ábildaev.
Aýrýhana qyzmetkerlerine qorǵanys kostıýmderi qajetti mólsherde beriledi. Sonymen qatar, onyń paıdalaný ýaqyty da eskeriledi. Bul baǵytta eshqandaı kemshilikter joq.
«Jaqynda №7 qalalyq klınıkalyq aýrýhanaǵa qosymsha 63000 maska men 500 lıtrden astam spırt bólindi. Búginde statsıonarda 1500 lıtr spırt bar. Bul úsh aılyq qor. 80 000 maska úsh aptaǵa jetedi. Dezınfektsııalyq zattarmen de qamtamasyz etilgen. Sonymen qatar, aýrýhanada asa qaýipti ınfektsııalyq aýrýǵa arnalǵan 50 jeke qorǵanys kostıými bar»,- dedi Tileýhan Ábildaev.
Sondaı-aq, oblystan qatynaıtyn medıtsına qyzmetkerlerin ýaqytsha baspanamen qamtamasyz etý máselesi tolyqtaı sheshilgen. Mamandarǵa hostel, qonaq úı men jataqhanadan bólmeler bólindi.
Budan bólek, medıtsına qyzmetkerlerine ákimdik tegin tamaq beredi.
