Almatydaǵy ekopostar qalaı jumys istep jatyr

ALMATY. QazAqparat - Megapolıste aýadaǵy zııandy zattardy ólsheýge arnalǵan jáne arnaıy jabdyqpen jabdyqtalǵan 15 ekobeket ornatylǵan. Jyl sońyna deıin taǵy tórt beket ornatylady. Bul týraly Almaty ákiminiń orynbasary Serik Qusaıynov aıtty, dep habarlaıdy QazAqparat tilshisi.

Spıkerdiń sózinshe, kóp komponentti gaz analızatorlarynyń kómegimen ekologııalyq beketterde kómirsýtekter, kómirtegi oksıdi, kómirtegi dıoksıdi, azot oksıdi, ottegi quramyna benzın men gaz avtomobılderiniń paıdalanylǵan gazdary ólshenedi.

Dızelmen júretin mashınalar da tekseriledi. Sondaı-aq, beketter beınebaqylaý kameralarymen jabdyqtalǵan.

« Bıylǵy jyldyń 20 naýryzynan bastap ekopostarda 132 494 ólsheý júrgizildi, 109 547 benzın jáne gaz dvıgatelderi, 22 453 dızel dvıgatelderi tekserildi. Tekserý barysynda 20 085 kólik quralynyń asyp ketkeni anyqtaldy. Ekoposttardy ornatýdyń arqasynda 15 331 avtokólik ıesin jaýapqa tartý múmkin boldy, olarǵa hattamalar jasaldy. Tártip buzýshylar kóbinese «Talǵar», «Dýman» jáne «Esil» ekobeketteri ornatylǵan Talǵar jáne Qarasaı aýdandary tarapynan keledi»,- deıdi ol.

Budan ózge, Almatyda qala ishinde kólikterdi tekserý júrgizilýde, onyń barysynda avtomobılderdiń ekologııalyq normalarǵa sáıkessizdigi anyqtalady.

Kún saıyn kezekshilikke Almaty qalasy Polıtsııa departamentiniń 11 ekıpajy men Jasyl ekonomıka basqarmasynyń qyzmetkerleri shyǵady.

«Nátıjesinde 519 avtokólikte paıdalanylǵan gazdar mólsheriniń asyp ketýi anyqtaldy. Sondaı-aq, mobıldi toptar qurylys alańdarynda júk kólikterin tekseredi, onda eko-normalarǵa 218 sáıkessizdik anyqtaldy. Bul jumys búgin de jalǵasýda, ondaǵan polıtsııa qyzmetkerleri men ákimdik ókilderi gazdaný deńgeıin tekserýdi jalǵastyrýda. Al kelesi jyldan bastap Almatyda úsh jyljymaly ekologııalyq beket pen bir zerthana jumys isteı bastaıdy»,- deıdi ol.