Almatydaǵy ekologııalyq ahýaldy jaqsartý maqsatynda «QazTransGaz» AQ-y men qala ákimdigi arnaıy memorandým jasasty
ALMATY. Naýryzdyń 4-i. QazAqparat /Erlik Erjanuly/ - Almatyda jeke sektor tolyqtaı tabıǵı gazben jylytýǵa aýystyrylatyn bolady.
Bul týraly búgin Almatyda "QazTranGaz" AQ-y men qala ákimdigi arasyndaǵy memorandýmǵa qol qoıý rásiminde aıtyldy, dep habarlaıdy QazAqparat.
"Samruq-Qazyna" ulttyq ál-aýqat qorymen jasalǵan kelisimniń aıasynda búgin "QazTransGaz" AQ-men memorandýmǵa qol qoıyp otyrmyz. Ol boıynsha mynadaı negizgi mindetter júzege asyrylmaq. Birinshi, qýat tapshylyǵyn azaıtý. Ekinshi, ekologııalyq ahýaldy jaqsartý. Úshinshi, qoǵamdyq kólikti gazǵa aýystyrý. Tórtinshi, jylý kózderin qatty otynnan tabıǵı gazǵa aýystyrý", deıdi qala ákimi Ahmetjan Esimov. A.Smaǵululynyń aıtýynsha, bul memorandým aıasynda 2 mıllıard teńgege jýyq qarjynyń is-sharalaryn júzege asyrý josparlanyp otyr. Qalada qazir jeke sektordyń 20 paıyzy áli gazdandyrylmaǵan. Olar endi 2 jyldyń ishinde tabıǵı gazben jylytýǵa aýystyrylatyn bolady. Jalpy, Almatyda aýaǵa taralatyn zııandy zattardyń 80 paıyzǵa jýyǵy avtokólikterden bólinedi. Al 8 paıyzy jeke sektordan, 8 paıyzdan astamy jylý kózderinen taralady.
