Almatydaǵy eki polıtsııa qyzmetkeriniń ólimine qatysty qylmysty ashýǵa bar kúshimizdi salamyz - ІІM
TANA. 9 qarasha. QazAqparat /Rýslan Ǵabbasov/ - Almatyda óltirilgen eki polıtsııa qyzmetkerine qatysty qylmystyń ashylýyna bar kúshimizdi salamyz. Bul týraly búgin Astanada ótken aptalyq brıfıngte Іshki ister mınıstrliginiń resmı ókili Nurdildá Oraz málim etti.
«Keshe saǵat 20.20-da Almatydaǵy Raıymbek-Momyshuly dańǵylynyń buryshynda avtotorý qyzmetkerleri «Mıtsýbısı Galant» kóligin toqtatqan. Atalǵan kólikten belgisiz bireýler polıtsııa patrýlderine oq jaýdyrǵan», - dedi resmı ókil.
Osynyń nátıjesinde bir polıtsııa qyzmetkeri oqıǵa ornynda qaza bolyp, al ekinshisin aýrýhanaǵa apara jatqan kezde jan tapsyrdy.
Onyń sózine qaraǵanda, qazirgi kezde Almatynyń ishki ister departamenti jaqyn ornalasqan oblystyq ishki ister departamentiniń qurylymdyq kúshteri osy qylmysty ashýǵa jumyldyrylyp otyr.
«Biz jaqyn arada osy qylmysty ashýǵa bar kúshimizdi salamyz», - dep atap ótti N.Oraz.
