Almatydaǵy eki metro stansasynyń qurylysy 2021 jylǵa deıin aıaqtalady
ALMATY. QazAqparat - Almaty qalasynyń ákimi Baýyrjan Báıbek aǵymdaǵy jyldyń qalalyq bıýdjetin bólý týraly esep berip, máslıhat depýtattarymen jıyn ótkizdi, dep habarlaıdy QazAqparat tilshisi.
Kezdesý barysynda ol eki metro stansasynyń qurylys jospary jaıly aıtyp ótti.
«Biz seısmıkalyq qaýipti aımaqqa jatqandyqtan, bizdegi qurylys sharttary da erekshe ekeni belgili. Biz eldegi eń birinshi jyldam avtobýs kóligi jelisin ornattyq. Onyń tıimdiligi artyp keledi. Jyldam avtobýs jelisi ornatylǵannan beri jolaýshylar legi 40%-ǵa artty. 2021 jyldyń birinshi jartysynda «Saryarqa» jáne «Dostyq» metrolarynyń stansasy aıaqtalady dep josparlap otyrmyz. Metro stansalary irgeles 12 shaǵyn aýdandy qamtıtyn bolady. Bul maqsatqa respýblıkalyq bıýdjetten eki mıllıard teńge bólinedi», - dedi qala basshysy.
Jańa stansalarda qarastyrylmaı qalǵan kemshilikter eskerilip, jańasha jaǵdaı jasalatyny bolady.
Avtr: Gúlzat Sahova
