Almatydaǵy eki bazar qaıta jóndeýden ótedi
ALMATY. QazAqparat - Áýezov aýdanynyń ákimi Saıran Safedenov onlaın brıfıng barysynda modernızatsııadan keıin «Saryarqa» men «Arystan» bazarlarynyń qalaı ózgeretinin aıtty, dep habarlaıdy QazAqparat tilshisi.
Saıran Safedenov «Saryarqa» bazaryn modernızatsııalaý 2020 jyldyń naýryzynda bastalǵanyn atap ótti. Qurylys jumystary kezeń-kezeńmen júrgizilýde. Búgingi kúni irgetasy quıylyp boldy. Endi metall qańqasyn turǵyzý jumystary qolǵa alyndy.
Bazardaǵy konteınerler alynyp tastalady. Ornyna úlken ǵımarat salynady. Bul satýshylar men kelýshilerge qolaıly bolmaq. Aıta ketetin jáıt jáıt qalpyna keltirý kezinde de bazar jumys isteıdi.
«Kestege sáıkes, qurylys jumystary kıim satatyn qatarda júrgizilýde. Jumys 2020 jyldyń naýryzynan bastaldy. 2021 jyldyń naýryzyna tolyq aıaqtaý josparlanǵan. Birinshi kezeńde1500 sharshy metr saýda alańy paıdalanýǵa beriledi. Onda kafe, kofehana, fast-fýd, sulýlyq salony, kıim, elektronıka satatyn býtıkter ornalasady»,- dedi aýdan ákimi.
Modernızatsııanyń ekinshi kezeńi 2023 jyly aıaqtalady.Josparlanǵan saýda alańy - 2850 sharshy metr. Onda azyq-túlik, jemis- jıdek, kókónister, et, qus eti, balyq, irimshik pen shujyqtar satylatyn bolady. Bazardyń aýmaǵy abattandyrylyp demalys oryndary paıda bolady. Sonymen qatar, kelýshilerge yńǵaıly bolý úshin avtoturaq keńeıtiledi «, - dep qosty ákim.
Sonymen qatar, aýdan ákimi «Arystan» bazary týraly aıtyp berdi. Ony 2025 jylǵa deıin aıaqtaý josparlanyp otyr.
«Arystan» bazary boıynsha eskızdik joba ázir. Qurylysshylar 90% jumysqa kirisýge daıyn. Aldymen kıim satatyn bólikten bastaımyz «, - dedi aýdan basshysy.
