Almatydaǵy Dostyq úıinde QR Prezıdentiniń Joldaýy talqylandy

ASTANA. QazAqparat - Almaty qalasyndaǵy Dostyq úıinde QR Prezıdentiniń «Qazaqstan jańa jahandyq naqty ahýalda: ósim, reformalar, damý» Qazaqstan halqyna Joldaýyn talqylaý boıynsha kezdesý ótti.

Atalmysh is-sharaǵa QHA Tóraǵasynyń orynbasary - Hatshylyq meńgerýshisi Eraly Toǵjanov, QHA Tóraǵasynyń orynbasary Lıýbov Nı, QR Parlamenti Májilisiniń depýtaty Jumataı Alıev, QHA músheleri, memlekettik mekemeler, etnomádenı birlestikter men BAQ ókilderi, jastar qaýymy, ǵylym men mádenıet qaıratkerleri qatysty.

Eraly Toǵjanov óz sózinde Elbasy joldaýy ýaqyt talabyna qaıtarylǵan jaýap ekendigin aıtty. Qoǵam ózekti máseleler boıynsha naqty jaýap aldy, ýaqyt talaptaryna tótep bere alatyn áreketterdiń tutastaı strategııasy aıqyndaldy.

Sondaı-aq, QHA Tóraǵasynyń orynbasary Qazaqstannyń jetistigi onyń birligi men kelisiminde ekendigin atap ótti. Sol sebepti Joldaýda kórsetilgen tapsyrmalardyń iske asyrylýyna Qazaqstan halqy Assambleıasy tikeleı ári belsendi atsalysýy tıis. Eń aldymen bul - Elbasy Joldaýy boıynsha halyq arasynda aýqymdy túrde túsindirý jumystaryn júrgizip, qoıylǵan barlyq tapsyrmalardyń iske asyrylýy úshin barsha azamattardy jumyldyrý.

Іs-shara barysynda Qoǵam qaıratkeri Murat Áýezov, QHA ǵylymı-saraptamalyq keńesi tóraǵasynyń orynbasary, t.ǵ.d., professor Georgıı Kan, «Irnyhas» Almaty qalalyq osetın etnomádenı birlestiginiń tóraǵasy Qazbek Mamsurov, polıak etnomádenı birlestiginiń tóraǵasy Oleg Chervınskıı, Almaty q. №153 mektep-gımnazııasynyń dırektory Shavkat Ýmarov, «Almaty» telearnasy bas dırektorynyń keńesshisi Davıd Sýkıasıan, «Jarasym» respýblıkalyq jastar uıymynyń múshesi Vakıl Nabıev baıandama jasady.

Kezdesý sońynda «Qazaqstan halqy Assambleıasyna 20 jyl» mereıtoılyq medaldary men Qazaq handyǵynyń 550 jyldyǵyna arnalǵan estelik belgiler tapsyryldy.