Almatydaǵy Dostyq" sport kesheninde Ulttyq lıgadaǵy erler komandalary arasynda HH Qazaqstan chempıonaty aıasynda "Almaty" men Atyraýdyń "Barystar"-ynyń saıysy ótip jatyr
ALMATY. 15 qarasha. QazAqparat /Erlik Erjanuly/ - Búgin Almatydaǵy "Dostyq" sport kesheninde Ulttyq lıgadaǵy erler komandalary arasynda HH Qazaqstan chempıonaty aıasynda "Almaty" men Atyraýdyń "Barystar"-ynyń saıysy ótip jatyr. Qazir týrnır kestesinde 6 oıynnan keıin 12 upaımen "Astana" birinshi, 10 upaımen "Barystar" ekinshi, 9 upaımen "Kaspıı" (Astana) úshinshi orynda tur.
Olardan 2 oıyny kem almatylyqtardyń qorjynynda qazir 7 upaı bar. Al "Atyraý" - 6 (6 oıynnan keıin), "Tobyl" (Qostanaı) - 4 upaı (4 oıynnan keıin) jınady.
Igor Tıhonenko jattyqtyratyn ońtústik astanalyqtardyń kósh basyndaǵy komandalardy qýyp jetýge tolyq múmkindigi bar. Bul úshin olar óz alańynda búgin jáne erteńgi 2 kezdesýde sátti oıyn órnegin kórsetýi kerek. Bas bapker bul synda Evgenıı Ermakov(1989), Berik Ismaılov(1990), Aleksandr Kýznetsov (1989), Roman Kshnıakın (1982), Maksım Marchýk (1994), Roman Marchýk (1993), Rústem Myrzaǵalıev (1992), Maksım Otbozın (1980), Aleksandr Pashkov (1985), Vladımır Rybakov (1989) pen komanda kapıtany - Maksım Smırnovqa (1986) úmit artyp otyr.
