Almatydaǵy dopıngke qarsy zerthana jumysy jeti aıdan beri jandanǵan joq
ASTANA. QazAqparat -Dúnıejúzilik dopıngke qarsy agenttik (WADA) Almatydaǵy dopıngke qarsy zerthanaǵa qatysty shekteýin toqtatqan joq, dep habarlaıdy QazAqparat.
«Qazirgi kezde WADA-men birge jumys istep jatyrmyz. Komıssııa jasaǵan eskertýlerge baılanysty tıisti sharalardy iske asyrýdamyz. Jalpy, Dúnıejúzilik dopıngke qarsy agenttikpen barlyq qajetti jumystar pysyqtaldy, jospar boıynsha alǵa jyljyp kelemiz. Osy rette jańa jabdyqtardy satyp alý kerektigi eskerilip otyr. Bul turǵyda qarjylandyrý máselesi birtindep sheshilip keledi. Meniń oıymsha, zerthananyń qaıtadan iske qosylady»,-dedi Úkimettegi baspasóz máslıhatynan keıin QazAqparatqa bergen suhbatynda QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Elsııar Qanaǵatov.
Onyń sóózine qaraǵanda, Komıtet ókilderi bıýdjettik málimdemeni ázirlep qoıdy, sondaı-aq demeýshilerdiń qarjysyn tartýda.
Esterińizge sala keteıik, ótken jyly WADA Almaty antıdopıngtik zerthananyń jumysyn ýaqytsha toqtatqan bolatyn.
«Akkredıtteýdi toqtatý týraly úkim 2016 jyldyń 24 maýsymynan bastap kúshine endi. Antıdopıngtik zerthanaǵa qan jáne nesep taldaýyn jasaý syndy kez kelgen antıdopıngtik sharalardy júrgizýge tyıym salynady», -delingen agenttik taratqan habarlamada.
Sondaı-aq, qujatta ınnovatsııalyq jabdyqtardyń bolmaýyna baılanysty zerthana jumysy 4 aı ýaqytqa shektelgeni aıtylǵan edi. Ázirge, qazaqstandyq sportshylardyń synamalary Drezden qalasyndaǵy zerthanaǵa jiberilýde.
