Almatydaǵy daýyl: qulaǵan aǵashtar avtokólikterdi qıratty
ALMATY. QazAqparat- Almatyda qatty jel men jaýyn-shashynnyń saldarynan qalanyń ár aımaǵynda kópjyldyq aǵashtar qulap, avtokólikterdi basyp qaldy, dep habarlaıdy QazAqparat tilshisi qalalyq polıtsııa departamentiniń baspasóz qyzmetine silteme jasap.
Almaty qalalyq polıtsııa departamentinen málim etkendeı Almaly aýdanynda ornalasqan turǵyn úıdiń aýlasynda aǵash qulap, «Mıtsýbısı» men «Sýbarý»avtokólikterin qıratty.
Masanchı men Shevchenko kósheleriniń qıylysyndaǵy stadıonnyń beton qorshaýyna úlken aǵash qulap, saldarynan sol jerde turaqta turǵan avtokólikterdi zaqymdady.
Tóle bı men Baızaqov kósheleriniń qıylysyndaǵy ákimshilik ǵımarattyń materıaly avtokóliktiń tóbesine qulady. Budan sol mańnan ótip bara jatqan jaıaý júrginshi de zardap shekti. Oǵan dárigerler bas jaraqaty men mıdyń shaıqalýy dıagnozyn qoıdy.
«Qazirgi ýaqytta qalanyń mýnıtsıpaldy qyzmetter qolaısyz aýa-raıynyń saldaryn joıýda»,- dep málim etti qalalyq polıtsııa departamentinde.
