Almatydaǵy dárigerler bilimin jetildirý ınstıtýty ýnıversıtet bop qaıta qurylady
ALMATY. 12 qyrkúıek. QazAqparat - Almaty memlekettik dárigerler bilimin jetildirý ınstıtýty jyl sońyna qaraı Qazaq úzdiksiz bilim berý medıtsına ýnıversıteti bolyp qaıta qurylady.
Bul týraly búgin Almatyda ótip jatqan «Eńbek naryǵynyń jahandaný jaǵdaıynda medıtsınalyq bilim berý» dep atalatyn halyqaralyq kongreste aıtyldy.
«Ol endi ýnıversıtet mártebesin ıelenbek. Elbasy Joldaýy boıynsha biz endi medıtsına salasynda úzdiksiz bilim berýdegi eń basty oqý ornyna aınalyp, elimizdegi búkil medıtsına qyzmetkerlerin oqytamyz», - deıdi Almaty memlekettik dárigerler bilimin jetildirý ınstıtýtynyń rektory Ǵalymjan Toǵyzbaev. Almaty memlekettik dárigerler bilimin jetildirý ınstıtýty Keńes Odaǵy kezinde Ortalyq Azııa, Sibir, Qıyr Shyǵys jáne Qazaqstannyń densaýlyq saqtaý salasy mamandaryn qaıta daıarlaýdan ótkizetin aımaqtyq oqý ordasy boldy. Búgingi tańda ol densaýlyq saqtaý salasynyń túrli baǵyty boıynsha jumys jasaı alatyn jańa formatsııa mamandaryn daıarlaıtyn zamanaýı oqý-klınıkalyq ortalyqqa aınalyp otyr.
