Almatydaǵy dámhanada gaz ballony jarylyp, eki adam zardap shekti
ASTANA. QazAqparat - Almatydaǵy dámhanada gaz ballony jarylyp, eki adam zardap shekti, dep habarlaıdy QazAqparat QR ІІM Tótenshe jaǵdaılar komıtetine silteme jasap.
«24 tamyz kúni 17:48-de Almaty qalasy, Rozybaqıev kóshesi, 49 mekenjaıynda ornalasqan dámhanada syıymdylyǵy 50 lıtr gaz ballony jarylǵan. 1996 jyly týǵan jáne 2000 jylǵy eki adam termııalyq kúıik shalyp, aýrýhanaǵa jetkizildi», - delingen TJK baspasóz qyzmetiniń habarlamasynda.
Oqıǵa ornyna Almaty tótenshe jaǵdaılar departamentiniń qutqarý bólimsheleri shuǵyl jetken.
