Almatydaǵy «Christmas Art Fair-2016» jármeńkesine bıyl 300 sheber týyndysyn alyp keldi
ALMATY. QazAqparat - QR Ortalyq murajaıynda 15-18 jeltoqsan aralyǵynda Ortalyq Azııadaǵy iri «Christmas Art Fair-2016» art-jármeńkesi ótip jatyr, dep habarlaıdy QazAqparat.
Atalǵan murajaı men «Shyǵarmashylyq maýsymy» ótkizip jatqan «Christmas Art Fair-2016» art-jármeńkesi dástúrli sharaǵa aınalǵan. Bıylǵy jobada 300-den astam óner ıeleriniń kórkemsýret qol óner týyndylary qoıylǵan.
Shara kúnderi reseılik sýretshiler Petr Frolov jáne Natalıa Týrdyń qylqalamynan týǵan shyǵarmalar men Olga Lebedevanyń kıim sán úlgisi, Anastasııa Elıseevanyń qýyrshaqtary jáne ózge de sheberlerdiń asyl buıymdary kórermen nazaryna usynylady.
«Bizde 300-den astam sheberdiń týyndysy bar. Byltyr 260 qatysýshy bolǵan. Dástúrge aınalǵandaı, bıyl da Ózbekstan, Qyrǵyzstan, Reseıden sheberler keldi. Sonymen qatar, Germanııa, Grýzııadan dızaınerler keldi. Ár sharamyzdyń óz kórermeni bar. Byltyr jármeńkemizge 8400 adam kelse, bıyl 10 000 adam keledi dep topshylap otyrmyz»,- dedi sharanyń uıymdastyrýshysy Elena Borovıkova.
Jármeńke aıasynda jıhazdy qaıta óńdeý jáne Tigin úıi mamandary tarapynan sheberlik saǵattary ótkizeldi. 
