Almatydaǵy BRT jobasynyń ekinshi kezeńi qashan bastalady
ALMATY. QazAqparat – Almatyda BRT (júrdek avtobýs jelisiniń) ekinshi kezeńi qashan bastalatyny qoǵamdyq keńes tyńdaýynda aıtyldy, dep habarlaıdy QazAqparat tilshisi.
Jobanyń birinshi kezeńi - uzaqtyǵy 8,7 km bolatyn marshrýt ýchaskesi «Mustafın - Súleımenova- Jandosov – Tımırıazev» kóshelerimen Jeltoqsan kóshesine deıin barady.
«BRT qurylysy qarajat bólingen jaǵdaıda 2021 jyldan bastalady. Saraptama qorytyndysy shyqqan soń respýblıkalyq bıýdjetke saýal jiberýimiz de múmkin. Keler jyly bastasaq, qurylys jumystaryna shamamen 22 aı ketedi. Qurylys jumystary 1,5-2 jylǵa sozylady», - dedi qalalyq Mobıldilik basqarmasy basshysynyń orynbasary Ernur Abjahan.
Joba quny shamamen 12 mlrd dollar dep baǵalanyp otyr.
BRT jobasynyń ekinshi kezeńi, ıaǵnı 13 shaqyrymdyq ýchaskesi Jeltoqsan kóshesimen Tóle bı, Shyǵys aınalma joly, Halyk Arena tusyndaǵy depoǵa deıin barady.
Qala ákimi joba maquldanǵan jaǵdaıda júrdek avtobýs jelisin «Alataý» arnaıy ekonomıkalyq aımaǵyna deıin sozý týraly aıtqan bolatyn.
