Almatydaǵy botanıkalyq baqqa aqqýlar oraldy
Sý betinde júzgen qos aqqýdyń vıdeosy baqtyń jelidegi paraqshasyna shyqty.
«Olar qaıtyp keldi. Bizdiń aqqýlarymyz sátti qystap, botanıkalyq baqqa oralǵanyn qýana habarlaımyz. Erte kóktemnen keshki kúzge deıin aqqýlary bar toǵan botanıkalyq baqtyń barlyq qonaǵy úshin tartymdy orynǵa aınalady», - dep jazdy baqtyń ujymy jelige.
Sonymen birge, botanıkalyq baqtyń ujymy aqqýlar men balyqtardy tamaqtandyrýǵa tyıym salynǵanyn habarlady.
«Botanıkalyq baqtaǵy balyqtar men aqqýlardy kútip-baptaý men qorektendirýge arnaıy jaldanǵan kásipqoılar kompanııasy jaýapty. Bul rette kúndelikti normasy bar qatań dıeta eseptelgen. Esińizde bolsyn, nan, pechene, chıpsy sııaqty qajetsiz taǵamdar aqqýlar men balyqtardy artyq salmaqqa, ashytýǵa, asqazannyń buzylýy men basqa da densaýlyq problemalaryna ákelýi múmkin. Ósimdikterge ǵana emes, bizdiń úı janýarlaryna da qamqor bolaıyq», - dep eskertti botanıkalyq baqtyń ujymy.