Almatydaǵy Bostandyq aýdanynyń ákimi qyzmetine Raýshan Asanova taǵaıyndaldy

ALMATY. 28 aqpan. QazAqparat - Almaty qalasy ákiminiń ókimimen Bostandyq aýdanynyń ákimi qyzmetine Raýshan Asanova taǵaıyndaldy,

dep habarlady qala ákiminiń baspasóz qyzmetinen.

Buǵan deıin bul aýdandy basqarǵan Zaýresh Amanjolova keshe Almaty qalasy ákiminiń orynbasary qyzmetine taǵaıyndalǵan bolatyn.

Raýshan Esenqyzy Asanova 1972 jyly 30 mamyrda dúnıege keldi. 1994 jyly ál-Farabı atyndaǵy Qazaq memlekettik ýnıversıtetin támamdady. Memlekettik qyzmette túrli qyzmetterdi atqardy. 2008-2012 jyldar aralyǵynda Almatydaǵy Túrksib aýdany ákiminiń orynbasary boldy. 2012 jyldan bastap - Almaty ákimi apparaty basshysynyń orynbasary.