Almatydaǵy Boraldaı kóshesi bir aıǵa jabylady
ALMATY. QazAqparat – Sý qubyry men káriz jelilerin tartý úshin Boraldaı tasjolynda qozǵalys shekteledi, dep habarlaıdy QazAqparat tilshisi.
Almaty qalasy energetıka jáne sýmen jabdyqtaý basqarmasynyń málimetinshe, 5 shildeden 3 tamyzǵa deıin Alataý aýdany aýmaǵyndaǵy Boraldaı tasjoly Barys kóshesinen Jaýjúrek kóshesine deıin jabylady. Bul aýmaqta kólik qozǵalys eki baǵytta da shekteledi.
«Sýqubyry men káriz jelilerin salý boıynsha jumystardy júrgizý qaýipsizdigin qamtamasyz etý úshin ýaqytsha shekteýler engiziledi. 3,5 km sý qubyry jáne 2,8 km káriz jelisi salynady. Bul jobanyń arqasynda Alataý aýdanynyń 2,5 myń turǵyny turaqty jelilermen qamtylady», - dep habarlady basqarmadan.
Bıyl barlyǵy 20 nysan boıynsha 108,4 km sý qubyry jáne káriz jelisin salý josparlanǵan, bul halyqtyń ortalyqtandyrylǵan sýmen jabdyqtaý qoljetimdiligin 99,2%-ǵa deıin arttyrýǵa múmkindik beredi.
