Almatydaǵy «bomba qoıylǵan» nysandarǵa qatysty qylmystyq is qozǵaldy
ALMATY. QazAqparat - Almaty áýejaıy men saýda ortalyǵyna bomba qoıylǵany týraly jalǵan aqparat berý faktisi boıynsha qylmystyq is qozǵaldy, dep habarlaıdy QazAqparat tilshisi.
Atalǵan derekke qatysty Qylmystyq kodekstiń 273-baby (terrorızm aktisi týraly kórineý jalǵan habarlaý) boıynsha sotqa deıingi tergeý amaldary bastaldy.
«Qazirgi ýaqytta jarylǵysh zat týraly habarlaǵan belgisiz adamdy anyqtaý boıynsha jedel-izdestirý sharalary júrgizilip jatyr. Almaty qalasynyń polıtsııa departamenti jarylǵysh zat qoıǵany týraly jalǵan aqparat taratqan adam qylmystyq jaýapkershilikke tartylatynyn eskertedi»
, - dedi qalalyq polıtsııa departamentiniń resmı ókili Saltanat Ázirbek.
Buǵan deıin megapolıstegi iri saýda ortalyqtarynyń birinen adamdardyń evakýatsııalanyp jatqany týraly jazǵan bolatynbyz.
Artynsha Almaty halyqaralyq áýejaıyna da «bomba» qoıyldy degen aqparat tarady .
Keıin eki nysanǵa «jarylǵysh zat» qoıyldy degen aqparat rastalmady.
