Almatydaǵy boks keshinde qazaqstandyq nokaýtshy Abaı Tóleshtiń qarsylasy belgili boldy

NUR-SULTAN. QazAqparat - 24 jastaǵy qazaqstandyq boksshy Abaı Tóleshtiń kásibı rıngtegi kelesi qarsylasy belgili boldy (4-0, 3 KO), dep habarlaıdy «QazAqparat» HAA Sports.kz-ke silteme jasap.

Ol – 32 jastaǵy tájirıbeli cheh boksshysy Tomash Bezvoda (8-10, 5 KO). Jekpe-jek 16 jeltoqsanda Almatyda Global MTK promoýterlik kompanııasy uıymdastyrǵan boks keshi aıasynda ótedi.

Abaı Tólesh aldyńǵy jekpe-jegin qyrkúıekte ótkizip, tórtinshi raýndta Tanzanııa boksshysy Mfaýme Mfaýmeni tehnıkalyq nokaýtpen jeńip jeńiske jetti (14-7-2, 6 KO). Tomash Bezvodaǵa keletin bolsaq, ol qarasha aıynyń sońynda bolǵan aıqasta biraýyzdan qabyldanǵan sheshim boıynsha maltalyq Krıstıan Skembrıden jeńilip qaldy (17-7, 7 KO).

Eske sala keteıik, Tólesh - tanymal brıtandyq boksshylar Bıllı Djo Sonders jáne Taıson Fıýrıdiń isterin basqaratyn Global MTK kompanııasynyń klıenti.