Almatydaǵy boks keshi: Janqosh Turarov bir kún buryn doq kórsetken ganalyqty 4-shi raýndta qulatty
ALMATY. QazAqparat «Almaty arena» sport kesheninde ótip jatqan Qanat Islam men Patrık Alloteıdiń jekpe jegine arnalǵan sport keshindegi kezekti boks saıysynda otandasymyz Janqosh Turarov ganalyq boksshy Isaak Arıemen qolǵap túıistirdi. 10 raýndtyq kezdesýdiń 4 raýndynda 2 mınýt 38 sekýndta Janqosh Turarov ganalyqty tize búktirdi, dep habarlaıdy QazAqparat.
4 raýnd bastalǵannan Janqoshtyń tegeýrindi soqqylaryna shydaı almaǵan ganalyq Isaak Arıe bir ret tizerlep qaldy. Alaıda, tóreshiniń 10-ǵa deıingi sanaýynda aıaǵynan turǵan ganalyq kóp uzamaı otyrǵan kúıi tura almaı qaldy.
Almaty arena rýhtanyp ketken sózsiz. Endi Jánibek Álimhanov AQSh boksshysy Mılton Nýnespen shyǵady.
Keshe Almatyda salmaq ólsheý rásiminde Isaak Arıe Janqoshqa judyryǵyn ala júgirip, doq kórsetken bolatyn.
Eske sala keteıik, búgin Almatyda Qanat Islam men Patrık Alloteıdiń jekpe-jegine oraı sport keshi ótip jatyr.
Onda otandyq boksshymyz Qanat Islam sharshy alańda ganalyq Patrık Alloteımen kezdesip, WBA (Interim) tujyrymy boıynsha álem chempıony ataǵy úshin kúsh synasatyn bolady.
Birinshi orta salmaqta «WBA Fedelatin» ataǵyna ıe Qanat Islam osy ýaqytqa deıin 21 kezdesý ótkizip, barlyǵynda jeńiske jetken. Onyń 18-in nokaýtpen utqan.
Patrık Alloteı osyǵan deıin kásipqoı sharshy alańda 36 jekpe-jek ótkizgen. Onyń 34-inde qarsylastarynan basym túsken, 24-de qarsylastaryn nokaýtpen utsa, 2 jekpe-jeginde ǵana qarsylastaryna ese jibergen.
Cońǵy ret 24 maýsym kúni sharshy alańǵa shyǵyp, otandasy Sanı Idanany jeńgen. Jekpe-jekteriniń barlyǵyn derlik Ganada ótkizgen. Úsh kezdesýi ǵana ózge elde ótken. Kásipqoı boksta «Ýly jebe» degen laqap atqa ıe.
