Almatydaǵy boks keshi: Taǵy úsh qazaqstandyqtyń qarsylasy anyqtaldy

ALMATY. QazAqparat – 16 jeltoqsan kúni Almatyda Táýelsizdik kúni merekesine oraı boks keshi ótedi. MTK Kazakhstan Instagram-akkaýntynda málim etilgendeı, atalmysh shoýda aıqasatyn boksshylardyń taǵy úsh juby anyqtaldy. Bul týraly QazAqparat Sports.kz saıtyna silteme jasap habarlaıdy.

Atap aıtqanda, jeńil salmaqtaǵy Raı Seıitjanov (1-0) grýzındik Gıorgı Abýladzemen (11-9-1, 4 KO) kezdesedi. Ekinshi jartylaı jeńil salmaqtaǵy Mıras-Álı Sársenov (1-0, 1 KO) ázerbaıjandyq boksshy Askar Ragımovqa (3-3, 1 KO) qarsy aıqassa, birinshi jartylaı orta salmaqtaǵy Nurdos Tólebaıdyń (1-0) qarsylasy taǵy bir ázerbaıjandyq Ramız Mamadov (1-0) bolady.

Buǵan deıin ózge qazaqstandyq sportshylardyń qarsylastary týraly jazǵan bolatynbyz:

Vıktor Kotochıgov (Qazaqstan, 10-0, 4 KO) — Haver Hose Klavero (Argentına, 27-5, 5 KO), jeńil salmaq, WBC International tıtýly;

Sultan Záýirbek (Qazaqstan, 8-0, 6 KO) — Leshan Lı (Qytaı, 16-3-2, 9 KO), ekinshi jartylaı jeńil salmaq, WBC «jastar» álem chempıony tıtýly;

Eskendir Harsan (Qazaqstan, 7-0, 6 KO) — Tomas Essomba (Kamerýn, 9-5, 3 KO), eń jeńil salmaq;

Nurtas Ájbenov (Qazaqstan, 7-0, 3 KO) — Lendı Krıs Leon (Fılıppın, 13-20-5, 6 KO), jeńil salmaq;

Elshat Nyǵmetolla (Qazaqstan, 15-0-1, 5 KO) — Krıs Alfante (Fılıppın, 17-7-1, 9 KO), eń jeńil salmaq;

Abaı Tólesh (Qazaqstan, 4-0, 3 KO) — Tomash Bezvoda (Chehııa, 8-10, 5 KO), orta salmaq;

Hýrshıd Tojıbaev (Ózbekstan, 3-0, 2 KO) — Aızek Djýnıor (Indonezııa, 26-13-3, 9 KO), ekinshi jartylaı jeńil salmaq

Alıý Bamıdele Lasısı (Nıgerııa, 13-0, 8 KO) — Hamson Lamandaý (Indonezııa, 10-4-1, 7 KO), ekinshi eń jeńil salmaq.

Boks keshi Balýan Sholaq atyndaǵy sport saraıynda ótedi.