Almatydaǵy boks keshi: Nurymbetov kásibı bokstaǵy kezekti jeńisine qol jetkizdi
ASTANA. QazAqparat - Almatyda ótip jatqan boks keshinde Qazaqstan boksshysy Berikbaı Nurymbetov qarsylasynan basym tústi.
6 raýndtyq reıtıngtik jekpe-jekte Qazaqstan boksshysyna qarsy ýkraındyq Valentın Kýts shyqty. Sharshy alańdaǵy kezdesý qorytyndysynda tóreshilerdiń sheshimimen B.Nurymbetov jeńiske jetti.
Aıta keterligi, qazaqstandyq bylǵary qolǵap sheberi kásibı bokstaǵy úshinshi kezdesýin de jeńispen aıaqtap otyr. Al ýkraındyq bolsa, buǵan deıin 25 ret sharshy alańǵa kóterilip, 5 ret jeńiliske ushyraǵan.
Osy kesh aıasynda qazaqstandyq Alı Ahmedov pen Aıdar Sháribaev sharshy alańǵa shyǵyp, ekeýi de grýzııalyq qarsylastaryn jekpe-jektiń alǵashqy raýndynda-aq nokaýtqa jibergen bolatyn.
