Almatydaǵy boks keshi: Májit Bektemir grýzın boksshysyn jeńdi
ASTANA. QazAqparat - Almatyda ótip jatqan boks keshi aıasynda qazaqstandyq Májit Bektemir pen grýzııalyq Garı Abadjıan qolǵap túıistirdi.
6 raýndqa sozylǵan reıtıngtik jekpe-jekte qazaqstandyq boksshy tóreshiler sheshimimen grýzııalyq bylǵary qolǵap sheberinen basym tústi.
Aıta keteıik, M.Bektemir sharshy alańda buǵan deıin 17 kezdesý ótkizip, onyń birinde qarsylasyna ese jiberse, 12 kezdesýin nokaýtpen aıaqtaǵan. Al grýzııalyq bolsa 33 ret sharshy alańǵa kóterilip, 17 ret jeńilgeni belgili.
Aıta keteıik, buǵan deıin, qazaqstandyq Alı Ahmedov, Aıdar Sháribaevtar sharshy alańǵa shyǵyp, ekeýi de grýzııalyq qarsylastaryn alǵashqy raýndta-aq nokaýtqa jibergen bolatyn. Sondaı-aq, 6 raýndtyq reıtıngtik jekpe-jekte ýkraındyq Valentın Kýtspen qolǵap túıistirgen Berikbaı Nurymbetov tóreshilerdiń sheshimimen jeńiske jetti.
